НААДМЫН ТУХАЙ
Хүмүүнлэгийн Ухааны Их Сургуулийн Сэтгүүл зүй, медиатехнологийн тэнхимээс их, дээд сургуульд сэтгүүл зүйн чиглэлээр суралцдаг оюутнуудыг дэмжих, тэдний авъяас чадварыг нээн илрүүлж, онолын мэдлэгийг практиктай холбох, дуу хоолойг нь олон нийтэд хүргэх зорилгоор “Алтан Үзэг” улсын наадмыг 15 дахь жилдээ зохион байгуулж байна. Энэ жилийн наадамд МУИС, СУИС-КТМУС-ийн Сэтгүүл зүйн тэнхимүүд, ХИС-ийн Сэтгүүл зүйн салбарыг төгсөгчдийн холбоо болон “Тэнгэр” телевиз хамтран ажиллана.
“Алтан Үзэг” наадам нийтлэл, телевизийн нэвтрүүлэг, радио нэвтрүүлэг, нийгмийн реклам, мультимедиа нийтлэл гэсэн таван төрлөөр болно. Мөн ЕБС-ийн сурагчид манай наадамд эсээ болон нийгмийн рекламын төрлөөр бүтээлээ илгээх боломжтой.
БҮТЭЭЛД ТАВИГДАХ ШААРДЛАГА, ХҮЛЭЭН АВАХ ХУГАЦАА:
Бүтээлүүдийг 2025 оны 11 дүгээр сарын 28-ныг дуустал хүлээн авна.
Нийтлэлийн төрөлд ирүүлэх бүтээл нь ярилцлага, сурвалжлага, найруулал, тэмдэглэл, өгүүлэл зэрэг сэтгүүл зүйн аль ч төрөл зүйлээр байж болох ба ЕБС-ийн сурагчид үгийн тоо, сэдэв чөлөөтэй эссэ бичлэгээр оролцоно. Телевиз, радиогийн нэвтрүүлэг 8-10 минут, нийгмийн реклам 30-60 секундын хугацаатай байна.
Нийтлэлийг MS Word файлаар, радиогийн нэвтрүүлгийг MP3 форматаар, телевизийн нэвтрүүлэг, нийгмийн рекламыг Н264/MP4, Full HD форматаар, мултимедиа бүтээлийг аль нэг мэдээллийн сайтад нийтэлж, холбоосыг зохион байгуулагчдад илгээх шаардлагатай.
Нэг оролцогчийн 5 хүртэлх бүтээлийг хүлээн авна.
УРАЛДААНЫ ШАЛГАРУУЛАЛТ:
Уралдаанд ирүүлсэн бүтээлүүдийг агуулга, хийц, ур чадварын талаас сэтгүүл зүйн судлаачид болон туршлагатай сэтгүүлчдээс бүрдсэн баг шүүнэ.
Шагналыг 2025 оны 12 дугаар сарын 6-ны өдөр нийтэд зарлаж, “Чингис хаан” зочид буудлын хурлын танхимд 12.00 цагт гардуулна.
УРАЛДААНЫ ШАГНАЛ: Нийт бүтээлээс
Гранпри – Өргөмжлөл, Цом, 2.000.000 төгрөг
Төрөл тус бүрээс:
I байр – Өргөмжлөл, 500.000 төгрөг
II байр – Өргөмжлөл, 400.000 төгрөг
III байр – Өргөмжлөл, 300.000 төгрөг
Үзэгчдийн таашаалд нийцсэн бүтээл:
Өргөмжлөл, 300.000 төгрөг
ЕБС-ийн сурагчдын шилдэг бүтээл:
I байр – Өргөмжлөл, 500.000 төгрөг
II байр – Өргөмжлөл, 300.000 төгрөг
ЕРӨНХИЙ ЗОХИОН БАЙГУУЛАГЧ:
ХАМТРАН ЗОХИОН БАЙГУУЛАГЧ:
"Тэнгэр" телевиз
ДЭМЖИГЧ БАЙГУУЛЛАГА:
ХОЛБОО БАРИХ:
Улаанбаатар хот, Сүхбаатар дүүрэг 8-р хороо, 14200 Д.Сүхбаатарын талбай 20, Шуудангийн салбар – 210646/53
© Зохиогчийн бүх эрх хуулиар хамгаалагдсан болно